қарулы арандатушылық

қарулы арандатушылық
(Вооруженная провокация; лат. provocatio – шақыру)
басқыншы елдің шектеулі күштерінің жағдайды шиеленістіруге тырысуы, қарулы қақтығыс немесе соғысты бастау, басқа мемлекет-тің ішкі істеріне араласуды ақтау мақсатында алдын ала жоспарланған және ұйымдастырылған іс-қимылдар. Қ.а., әдетте, әскери және дипломатиялық қатынаста тиянақты дайындалып, мерзімін, іс-қимыл орнын, оны дипломатиялық бүркеніштеу тәсілін таңдауға ерекше көңіл бөлінеді. Қ.а. әр түрлі: шекара қызметінің бөлімшесіне қарулы шабуыл; маңызды объектілерді, елді мекендерді, аймақ өңірлерін басып алу мақсатында қарулы жасақтармен (заңсыз бандалық құрамамен) мемлекеттік шекараны бұзу; соғыс кемелерінің басқа мемлекеттің аймақтық немесе ішкі суларына баса-көктеп кіруі; сауда және кәсіптік кемелерді ұшақтармен, тікұшақтармен атқылау, оларды басып алу немесе суға батыруға әрекет жасау; көршілес аймақтағы объектілерді пулеметтен, артиллериямен (минаатардан) ату; арнайы диверсиялық бөлімшелердің қарулы шабуылы немесе аймақ тереңдігіне енуі; ұшақтардың, тікұшақтардың көршілес мемлекеттің әуе кеңістігіне әдейі кіруі және олардың адамдар мен объектілерді атқылауы сипаттарында болуы мүмкін. Қ.а-ты жағдайға байланысты шекара әскерлері немесе әскери және теңіз бөлімдері бірлесе отырып тойтарады.

Казахский толковый терминологический словарь по военному делу. — Мектеп.

Поможем написать реферат

Поделиться ссылкой на выделенное

Прямая ссылка:
Нажмите правой клавишей мыши и выберите «Копировать ссылку»